ថ្ងៃសុក្រ ១៤រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៦ ខែសីហា ឆ្នាំ២០២២ នៅសាលាឃុំកំពង់លួង​ លោក ភុំ វិមល នាយខណ្ឌរដ្ឋបាលជលផលពោធិ៍សាត់ រួមជាមួយ លោកនាយផ្នែក 
នាយសង្កាត់កំពង់លួង បានចូលរួមកិច្ចប្រជុំសម្របសម្រួល ដោះស្រាយបញ្ហាទំនាស់ ក្នុងការធ្វើនេសាទ ស្ថិតក្រោមអធិបតីភាព លោក សុង ហុង អគ្គនាយករងរដ្ឋបាលជលផល​ ឧត្តមសេនីយ៍ ទោ ម៉ែន ស៊ីប៊ន នាយសេនាធិការរងកងរាជអាវុធហត្ថលើផ្ទៃប្រទេស និង ឧត្តមសេនីយ៍ទោ ខ្វាន់ ប៊ុនធឿន តំណាងអគ្គស្នងការនគរបាលជាតិ  លោក ហុង ហ៊ី ប្រធាននាយកដ្ឋានរដ្ឋបាល និងនិតិកម្ម នៃរដ្ឋបាលជលផល លោក លីវ សេងហ៊ីម អភិបាលស្រុកក្រគរ  នាយ-នាយរងអធិការដ្ឋានរដ្ឋបាលជលផលខាងត្បូងបឹងទន្លេសាប កងរាជអាវុធហត្ថខេត្ត  មេប៉ុស្តិ៍កំពង់លួង លោកមេឃុំកំពុងលួង អាជ្ញាធរឃុំ  និងប្រជានេសាទមកពីស្រុកក្រគរ នឹងស្រុកកណ្ដៀង។ ក្រោយការសម្របសម្រួល ពិភាក្សា និងដោះស្រាយរួចមក ក្រុមការងារ និងប្រជានេសាទបានឯកភាពគ្នាដូចខាងក្រោម
- ចំពោះរបាំងលបដែលលើស ទុកពេលវេលាឲ្យរុះរើដោយខ្លួនឯង ត្រឹមថ្ងៃទី៣០ ខែសីហា 
បើពុំដូចនេះទេ ក្រុមការងារនិងចុះអនុវត្ដ
- បន្ដចុះអនុវត្ដ បង្រ្កាបបទល្មើសនេសាទខុសច្បាប់ ជាពិសេសរបាំងស្បៃមុង ឲ្យបានយ៉ាងសកម្ម និងមានប្រសិទ្ធភាព នៅរដូវបិទនេសាទនេះ​ ។