ថ្ងៃពុធ ៥កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៣១ ខែសីហា ឆ្នាំ២០២២ លោក ផាត់ សារុន ប្រធានការិយាល័យផលិតកម្ម និងបសុព្យាបាល ដោយមានសមាសភាពចូលរួមមាន៖
លោក ដាង រ៉ាឌី ប្រធានការិយាល័យគាំពារបរិស្ថានខេត្តពោធិ៍សាត់, លោកស្រី ប៉ិន ស៊ីវឡា មេឃុំអន្លង់ត្នោត, លោក ថា វ៉ាន់ថេន មន្ត្រី ការិយាល័យ ផលិកម្ម និងបសុព្យាបាលខេត្ត, លោក អុប អង់សាលីតា តំណាងម្ចាស់កសិដ្ឋាន អុប ច័ន្ទដាវី, លោក ហ៊ គីមសេង ម្ចាស់កសិដ្ឋាន, លោក ឃួន ជឺ ពេទ្យសត្វក្រុមហ៊ុនស៊ីភី ។ បានចុះធ្វើកំណត់ហេតុនៃការចុះត្រួតពិនិត្យនិងវាយតម្លៃទីតាំងបង្កើតកសិដ្ឋានចិញ្ចឹមជ្រូកសាច់ចំនួន២កន្លែង៖
- ខ្នាតមធ្យមឈ្មោះ ហ៊ គីមសេង
- ខ្នាតធំឈ្មោះ អុប ច័ន្ទដាវី សហការជាមួយក្រុមហ៊ុនស៊ីភី ស្ថិតនៅ ចំណុចសំពៅលង់ និងចំណុច ក្នុងភូមិ ខ្លាក្រពេី ឃុំអន្លង់ត្នោត ស្រុកក្រគរ ខេត្តពោធិ៍សាត់ ។ ជាលទ្ធផល: ក្រុមការងារមានការពេញចិត្តថា ទីតាំងកសិដ្ឋានសមស្របល្អ មិនប៉ះពាល់បរិស្ថាន មិនប៉ះពាល់ប្រជាជន នៅដាច់ស្រយាលពីទីប្រជុំជន និងដីកម្មសិទ្ធិឯកជនស្របច្បាប់ ដែលអាចបង្កើតកសិដ្ឋានចិញ្ចឹមសត្វ ដោយគោរពតាមប្រកាសលេខ ៥៤៩ប្រក.កសកស្តីពីចំណាត់ថ្នាក់ខ្នាត បទដ្ឋានបច្ចេកទេស និងនីតិវិធីសម្រាប់ការផ្តល់លិខិតអនុញ្ញាតការចិញ្ចឹមសត្វនិងការបង្កាត់ពូជ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម