ថ្ងៃសុក្រ ៧កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២ ខែកញ្ញា ឆ្នាំ២០២២ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួមវគ្គបណ្ដុះបណ្ដាល ស្ដីពីការបញ្ជ្រាបយែនឌ័រ ក្នុងវិស័យកសិកម្ម និងផ្សព្វផ្សាយអនុសញ្ញាលុបបំបាត់រាល់ទម្រង់នៃការរេីសអេីងប្រឆាំងនឹងស្រ្តីភេទដែលហៅកាត់ថា ស៊ី-ដ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ។ ក្រោមអធិបតីភាព លោកជំទាវ ហោ ម៉ាលីន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារយេនឌ័រ និងកុមារ ប្រចាំក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពី លោក លោកស្រីអនុប្រធានមន្ទីរ, តំណាងខណ្ឌរដ្ឋបាលព្រៃឈេី, តំណាងខណ្ឌរដ្ឋបាលជលផល, លោក លោកស្រីប្រធាន អនុប្រធានការិយាល័យទាំង១០ និងមន្រ្តីដែលពាក់ពន្ធ័ទាំងអស់ នៃមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ សរុបអ្នកចូលរួម ៤៥រូប ។
ប្រធានបទសំខាន់ៗ រួមមាន៖
- ការបញ្ជ្រាយេនឌ័រ (សមភាពយេនឌ័រ និងសមធម៌យេនឌ័រ)
- វិភាគយេនឌ័រ (រកតម្រូវការពិតប្រាកដ៏ចំពោះមុខ និងតម្រូវការជាយុទ្ធសាស្រ្ត)
- ផ្សព្វផ្សាយអនុសញ្ញាលុបបំបាត់រាល់ទម្រង់នៃការរេីសអេីងប្រឆាំងនឹងស្រ្តីភេទដែលហៅកាត់ថា ស៊ី-ដ ។
