ថ្ងៃអង្គារ ១១កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៦ ខែកញ្ញា ឆ្នាំ២០២២ ខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទ​ ខេត្តពោធិ៍សាត់ លោក​ ភុន សុវណ្ណា នាយផ្នែកក្រគរ រួមមានលោក​ នាយសង្កាត់កំពង់លួង សហការជាមួយ ក្រុមការងារថ្នាក់ជាតិ បង្ក្រាបបទល្មើសជលផលប្រចាំការ នៅបឹងទន្លេសាបមានទីតាំងនៅកន្លែងអភិរក្សជលផលជ្រោយស្ដី ដឹកនាំដោយ លោកវរសេនីយ៍ឯក គុជ សុភាព តំណាងអគ្គស្នងការនគរបាលជាតិ រួមមាន កម្លាំងអធិការដ្ឋានរដ្ឋបាលជលផលខាងត្បូងបឹងទន្លេសាប នគរបាលប៉ូលីសសេដ្ឋកិច្ចខេត្ត កងរាជអាវុធហត្ថខេត្ដ-ស្រុកក្រគរ  ដែលមានកម្លាំងសរុបចំនួន ៣២នាក់ និងកាណូតចំនួន ៣គ្រឿង ដោយកាលពីថ្ងៃទី០៥ ខែកញ្ញា ឆ្នាំ ២០២២ វេលាម៉ោង ១:២៥ នាទីរសៀល បានទទួលបញ្ជា ពីទូរសព្ទប្រចាំបញ្ជាលេខ ០២៣​ ៧២៧​ ១០៥​ របស់អគ្គស្នងការនគរបាលជាតិ មានប្រជាពលរដ្ឋប្ដឹងថាមានករណី​លួចប្រព្រឹត្ដបទល្មើសនេសាទខុសច្បាប់ នៅបឹងទន្លេសាប ចំនុចក្រចាប់ ឃុំអន្សាចំបក់​ ស្រុកក្រគរ ជាប់ព្រំប្រទល់ខេត្ត ពោធិ៍សាត់-កំពង់ឆ្នាំង ព្រមទាំងបានសំណូមពរឲ្យសមត្ថកិច្ចជំនាញពាក់ព័ន្ធចុះបង្ក្រាបករណីនេះផងដែរ​ ។ ក្រោយពីចុះពិនិត្យជាក់ស្ដែង និងអធិការកិច្ចរួចក្រុមការងារបានធ្វេី​ការរុះរើ និងបំផ្លាញចោល ជាលទ្ធផលបាន ០១ករណី 
វត្ថុតាងរួមមាន  
- របាំងស្បៃមុង ០៦ខ្សែ ប្រវែង ១.៧៥០ម៉ែត្រ
- លូកងស្បៃមុង ចំនួន ១៥គ្រឿង 
- បង្គោលចំនួន ២៥០ ដើម 
- ចាក់ត្រីលែងចំនួន ៥៥គីឡូក្រាម​ ។