ថ្ងៃចន្ទ ៩រោច ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៩ ខែកញ្ញា ឆ្នាំ២០២២ កម្លាំងសមត្ថកិច្ចជលផលផ្នែករដ្ឋបាលជលផលក្រគរ សង្កាត់រដ្ឋបាលជលផលកំពង់លួងនៃខណ្ឌរដ្ឋបាលជលផលពោធិ៍សាត់ ដឹកនាំដោយ លោក ភុន សុវណ្ណាសហការជាមួយក្រុមការងារថ្នាក់ជាតិបង្ក្រាបបទល្មើសជលផលដឹកនាំដោយ លោក វរសេនីយ៍ត្រី ទ្រី អាន តំណាងរាជអាវុធហត្ថផ្ទៃប្រទេស និងលោកវរសេនីយ៍ទោ ហូ សុគុណ តំណាងអគ្គស្នងការនគរបាលជាតិ និងកម្លាំងរាជអាវុធហត្ថខេត្តពោធិ៍សាត់ ដែលមានកម្លាំងសរុប ១៤នាក់ កាណូត ០២គ្រឿងបានចេញប្រតិបត្តិការបង្ក្រាបបទល្មើសនេសាទពីចំណុចកំពង់លួង ដល់ភូមិកំពង់ថ្គោល ឃុំអន្សាចំបក់ ស្រុកក្រគរ ។ ជាលទ្ធផលបង្ក្រាបបានលូស្បៃមុង០១ករណី ។ វត្ថុតាងរុះរើបំផ្លាញចោលមាន៖
- របាំងស្បៃមុង ១២ខ្សែ ប្រវែង ២.៤០០ម៉ែត្រ
- បរចំនួន ០៨គ្រឿង
- លូស្បៃមុង ១២មាត់
- បង្គោលចំរឹង ២៥០ដើម
- ចាក់លែងកូនត្រីចំរុះ ១៥០គីឡូក្រាម ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម