ថ្ងៃព្រហស្បតិ៍ ៤កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៩ ខែកញ្ញា ឆ្នាំ២០២២ លោក ឡាយ វិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានចុះចែកជូនកូនមាន់ដល់កសិករនៅក្នុងតំបន់ដោះគ្រាប់មីនរបស់អជ្ញាធរស៊ីម៉ាក់កម្ពុជា ស្ថិតនៅភូមិ ទួលគ្រួស ឃុំ ប្រមោយ ស្រុក វាលវែង ខេត្តពោធិ៍សាត់ ជាជំនួយ CA ជប៉ុន ដែលមានការចូលរួមពី៖ លោក ហៃ ធូរ៉ា អនុប្រធានមន្ទីរកសិកម្ម, លោក រស់ សុភា ប្រធានមណ្ឌលអភិវឌ្ឍន៍, លោក ទិត សុផល ប្រធានវិស្វកម្ម និងអភិវឌ្ឍន៍, លោក ផាត់ សារុន ប្រធានការិយាល័យផលិតកម្ម និងបសុព្យាបាល និងមន្រ្តីក្រុមការងារ ព្រមទាំងកសិករទទួលផលចំនួន១៥នាក់/១៥គ្រួសារ កសិករក្នុងគម្រោងក្រោយពីបានការបណ្តុះបណ្តាលបច្ចេកទេសចិញ្ចឹមមាន់មាន៥លើកពីមន្ត្រីការិយាល័យផលិតកម្ម និងបសុព្យាបាលខេត្ត ទទួលបានកូនមាន់ស្រែចិញ្ចឹមចំនួន៤០ក្បាល, ស្នូកទឹក, ស្នូកចំណីមួយគូ, ចំណី០៨គីឡូក្រាម ក្នុង១គ្រួសារ ដើម្បីចិញ្ចឹមដោះស្រាយជីវភាពក្នុងគ្រួសារ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម