ថ្ងៃចន្ទ ៨កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៣ ខែតុលា ឆ្នាំ២០២២​ លោក​ ហៃ  ធូរ៉ា ប្រធានស្តីទី មន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានចុះសំណេះសំណាលសាកសួរសុខទុក្ខបងប្អូនប្រជាពលរដ្ឋ ចំនួន១២គ្រួសារ ដែលរងផលប៉ះពាល់ដោយគ្រោះទឹកជំនន់ទឹកភ្លៀងលង់លិច​លំនៅឋាន របស់បងប្អូនប្រជាពលរដ្ឋ នៅភូមិឆ្លងកាត់ សង្កាត់រលាប ក្រុងពោធិ៍សាត់ ក្រោមអធិបតីភាព លោក ឡាយ វិសិដ្ឋ អភិបាលរង នៃគណៈអភិបាល​ខេត្តពោធិ៍សាត់ ដោយមានការចូលរួម ពីក្រុមប្រឹក្សាក្រុង ក្រុមការងារមន្ទីរកសិកម្ម ក្រុមប្រឹក្សាសង្កាត់រលាប លោកមេភូមិ អនុភូមិ​ ។ លោក ឡាយ វិសិដ្ឋ បានមាន មតិសំណេះសំណាលដោយលើកឡើង៣ ចំណុច៖
-​ ត្រូវចូលរួមទប់ស្កាត់ជំងឺកូវីដ-១៩​ ដោយអនុវត្តតាមវិធានការសុខាភិបាល 
-​ ថែទាំសុខភាព​ (ការរស់នៅមានអនាម័យ និងការហូបចុកប្រចាំថ្ងៃឱ្យបានស្អាត)
-​ ត្រូវបង្កើនការប្រុងប្រយ័ត្នខ្ពស់ ចំពោះកូនចៅនៅពេលយប់ព្រលប់ 
*ក្នុងឱកាសនោះដែរ ក្រុមការងារ បានចែកជូនប្រជាពលរដ្ឋ​ក្នុងមួយគ្រួសារៗ​ ទទួលបានអង្ករ ១០គីឡូក្រាម និង មី១០កញ្ចប់ផងដែរ​ ។