ថ្ងៃព្រហស្បតិ៍ ១១កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៦ ខែតុលា ឆ្នាំ២០២២​  លោក ឡាយ វិសិដ្ឋ អភិបាលរងនៃគណៈអភិបាលខេត្តពោធិ៍សាត់ បានដឹកនាំក្រុមការងារមន្ទីរកសិកម្ម​ ដោយ មានការចូលរួម ពី លោក ហៃ ធូរ៉ា ប្រធានស្តីទីមន្ទីរ និងជាអនុប្រធានកម្មវិធី​ ASPIRE ខេត្ត ចុះពិនិត្យ ការងារ​កសិកម្មក្នុងឃុំរំលេច ស្រុកបាកាន ខេត្តពោធិ៍សាត់ និងជួបជាមួយអាជ្ញាធរឃុំរំលេច ដើម្បីពីភាក្សា ការងារបង្កបង្កើនផល បញ្ហាជំនន់ទឹកភ្លៀង ប្រព័ន្ធផ្តល់របាយការណ៍និងស្ថិតិកសិកម្ម​ ។ បន្ទាប់មក លោក អភិបាលរងខេត្ត បានបន្តដំណើរ ពិនិត្យដាំដុះដំណាំបន្លែក្នុងផ្ទះសំណាញ់របស់កសិករឈ្មោះ ម៉ែន សាមឿត  នៅភូមិកំពង់ក្តី ឃុំរំលេច ស្រុកបាកាន ខេត្តពោធិ៍សាត់​បានដាំដុះបន្លែក្នុងផ្ទះ​សំណាញ់ចំនួន៣ខ្នង បច្ចុប្បន្នដំណាំកំពុងដំណាក់កាលលូតលាស់ ថែទាំ និងប្រមូលផលជាបណ្តើរៗ​ ជាក់ស្តែង កសិករកំពុងប្រមូលផលស្ពៃក្រញ៉ាញ់ក្នុងផ្ទះសំណាញ់១ខ្នង បានចំនួន ៥០០គីឡូក្រាម​ លក់បានតំលៃ​ ៤.០០០រៀល​ ក្នុង១គីឡូក្រាម​ សរុបជាទឹកប្រាក់ ២.០០០.០០០រៀល ដោយឈ្មួញប្រមូលទិញដល់ទីតាំងផ្ទាល់​ ។ ចំពោះកសិករមានផែនការបណ្តុះពូជដំណាំ(កូនខាត់ណា និងកូនស្ពៃក្រញាញ់)​ សម្រាប់ដាំវគ្គបន្តទៀតបន្ទាប់ពីប្រមូលផលអស់ ។