ថ្ងៃពុធ ២រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១២ ខែតុលា ឆ្នាំ២០២២ លោក ផាត់ សារុនប្រធានការិយាល័យផលិតកម្ម និងបសុព្យាបាល បានដឹកនាំក្រុមការងារចុះពិនិត្យស្ថានភាពសត្វនៅតំបន់ រងផលប៉ះពាល់ដោយជំនន់ទឹកភ្លៀងក្នុងសង្កាត់ចំរើនផល និងលលកស ក្រុងពោធិ៍សាត់ ដោយសង្កេតឃើញថា ភូមិដែលមានការរាយការណ៍បានលិចលង់ទឹកនោះត្រូវបានទឹកជំនន់ស្រកចុះផុតពីដីលំនៅដ្ឋាន និងមិនមានបញ្ហាសុខភាពសត្វឬមានផ្ទុះជំងឺសត្វឡើយ ។
សូមបញ្ជាក់ថា៖ ក្នុងថ្ងៃទី១២ តុលានេះ ឆ្នាំ២០២២ ភូមិដែលវិលមកសភាពធម្មតាពីការប៉ះពាលនៃទឹកជំនន់ត្រូវបានដកចេញពីតារាងរបាយការណ៍សត្វរងប៉ះពាល់ទឹកជំនន់មានចំនួន១៧ភូមិ ។ បើគិតពីពេលចាប់ផ្តើមមកដល់ថ្ងៃនេះភូមិដែលបានវិលមកធម្មតាវិញសរុបចំនួន ៥០%ហេីយ ស្មេីហ្នឹង ២៥ភូមិ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម