ថ្ងៃព្រហស្បតិ៍ ៣រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៣ ខែតុលា ឆ្នាំ២០២២ លោក ផាត់ សារុន ប្រធានការិយាល័ផលិតកម្ម និង បសុព្យាបាល ដឹកនាំកិច្ចប្រជុំអាណត្តិប្រចាំខែតុលា ឆ្នាំ ២០២២ ជាមួយផ្នែកផលិកម្ម និងបសុព្យាបាលនៃការិយាល័យកសិកម្ម ធនធានធម្មជាតិ និងបរិស្ថានស្រុកនិង ការិយាល័យអភិវឌ្ឍន៍សហគមន៍ និងធនធានមនុស្សក្រុងនៃខេត្តពោធិ៍សាត់ នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទ ។
លទ្ធផលនៃកិច្ចប្រជុំ
- ស្ថានភាពទឹកជំនន់មានការស្រកចុះ ឬមិនមានភ្លៀងបន្ថែមទេ ចំពោះសត្វក្នុងតំបន់រងប៉ះពាល់ទឹកជំនន់ មិនមានបញ្ហាខ្វះទីទួលសុវត្ថិភាព ការលិចលង់ទឹក ឬសត្វមានជំងឺផ្សេងៗឡើយ ។
- ស្ថានភាពជំងឺឆ្លងសត្វទូទាំងខេត្តគឺមិនមានសត្វផ្ទុះជំងឺគួរឱ្យកត់សម្គាល់ឡើយ ។
- ការបង្កាត់ពូជគោសិប្បនិម្មិតក្នុងខែនេះបានចំនួន២៥ ក្បាល និងកូនគោបានកើតចំនួន១៩ ក្បាល/កូនញី១១ក្បាល ។
- ការអនុវត្តតួនាទី ភារកិច្ចនៃសេចក្តីណែនាំអន្តរក្រសួងលេខ៣២៧ សណន-កសក ជាប្រចាំ និង មានការសហការល្អជាមួយអង្គភាពច្រកចេញ ចូលរដ្ឋបាលខេត្ត ។
*បញ្ហាជួបប្រទះ
- ការសាងសង់ឡជីវឧស្ម័នក្នុងខែនេះ (គ្មាន) ដោយមូលហេតុ ភ្លៀងច្រេីន និងទឹកជំនន់
- ទីសត្តឃាតនៅក្រុងពោធិ៍សាត់ត្រូវបានផ្អាកឬបិទជាបណ្តោះអាសន្ន ដោយសារលិចទឹកជំនន់ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម