ថ្ងៃសៅរ៍ ៥រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៥ ខែតុលា ឆ្នាំ២០២២ លោក ហៃ ធូរ៉ា ប្រធានស្ដីទី មន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ និង ក្រុមការងារ បានចូលរួមពិធីសំណេះសំណាល សួរសុខទុក្ខដល់គណ:កម្មការ និងក្រុមកីឡាករទូកង តេជោសែនជ័យបារមីវត្តលលកសចាស់ នៅបរិវេណវត្តលលកស ក្រោមការដឹកនាំពី លោក ឡាយ វិសិដ្ឋ អភិបាលរងនៃគណៈអភិបាលខេត្តនៅភូមិព្រែកត្នោត សង្កាត់លលកស ក្រុងពោធិ៍សាត់ ខេត្តពោធិ៍សាត់ ដែលមានអ្នកចូលរួមសរុប ៤០នាក់ ។ លោកអភិបាលរង បានផ្តាំផ្ញើដល់កីឡាករទូកង ខិតខំប្រឹងរែងអុំទូក ដើម្បីឈានយកជ័យលាភី ក្នុងពីធីប្រណាំងទូកង ក្នុងខេត្តពោធិ៍សាត់របស់យើងដែលប្រព្រិត្តទៅនៅថ្ងៃទី១៦-១៨ ខែតុលា ឆ្នាំ ២០២២ ឱ្យទទួលបានជោគជ័យ ។ ជាមួយគ្នានេះ លោកអភិបាលរង បានផ្តល់បន្ថែមនៅ មួក, ខោខ្លី និង ថវិកាជូនក្រុមកីឡាករចំនួន ១.២៧៥.០០០រៀល ។ ដោយឡែកនៅថ្ងៃប្រណាំងទូក រយៈពេល០៣ថ្ងៃ មន្ទីរកសិកម្ម នឹងជួយជាភេសជ្ជៈ ខារ៉ាបាវ ចំនួន ១៥កេស ទឹកផ្លែឈើ ៣កេស ទឹកសុទ្ធ ៥០យួរ និងអាហារពីរពេល សម្រាប់កីឡាករបន្ថែមទៀត ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម