ថ្ងៃព្រហស្បតិ៍ ១០រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២០ ខែតុលា ឆ្នាំ២០២២ លោក ហៃ ធូរ៉ា ប្រធានស្ដីទីមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានរៀបចំកិច្ចប្រជុំ នៅសាលប្រជុំមន្ទីរ ដេីម្បីពិភាក្សាត្រៀមលក្ខណ:បែងចែកតួនាទីភារកិច្ច ទទួលខុសត្រូវក្នុងកម្មវិធីសំណេះសំណាល និងចែកស្រូវពូជដល់ប្រជាពលរដ្ឋចំនួន ៥.១៤៥គ្រួសារ ដែលនឹងប្រព្រឹត្តទៅនាថ្ងៃទី២៥ ខែតុលា ឆ្នាំ២០២២ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ។ ដោយមានការអញ្ជើញចូលរួម ពី លោក ភុំ វិមល នាយខណ្ឌរដ្ឋបាលជលផល, តំណាងខណ្ឌរដ្ឋបាលព្រៃឈើ លោក លោកស្រី ប្រធាន អនុប្រធាន ការិយាល័យជំនាញនៃមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ ។ សរុបអ្នកចូលរួមមាន ១៦នាក់, ស្រ្តី ៣នាក់ ។
គោលបំណងនៃកិច្ចប្រជុំរួមមាន៖
- ការបង្កើតក្រុមការងារដើម្បីត្រៀមពិនិត្យ និងទទួលស្រូវពូជ
- ការងារសហការជាមួយរដ្ឋបាលស្រុក/ក្រុង មូលដ្ឋានឃុំ/សង្កាត់ ដើម្បីស្រង់ទិន្នន័យផលប៉ះពាល់ ខូចខាតនិងទិន្នន័យស្តារឡើងវិញ លើដំណាំស្រូវ និងដំណាំរួមផ្សំផ្សេងៗតាមមូលដ្ឋាន ។
