ថ្ងៃសៅរ៍ ៥កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៩ ខែតុលា ឆ្នាំ២០២២ ខណ្ឌរដ្ឋបាលជលផលនៃមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ កម្លាំងផ្នែករដ្ឋបាលជលផលក្រគរ  សង្កាត់រដ្ឋបាលជលផលកំពង់លួង ដោយមានការចូលរួមពី កងរាជអាវុធហត្ថស្រុកក្រគរ យោធាខេត​បានចេញប្រតិបត្តិការ ត្រួតពិនិត្យ បង្ក្រាបបទល្មើស​នេសាទ ដោយប្រើកាណូត១គ្រឿង កម្លាំង ០៦នាក់បានចេញប្រតិបត្ដិការចាប់ពីឃុំ កំពង់លួង រហូត ដល់នៅចំនុចជ្រោយស្ដី ភូមិត្រពាំងរំដេញ ឃុំ ក្បាលត្រាច ស្រុកក្រគរក៍ប្រទះឃើញ​ ជនសង្ស័យ​លួចធ្វើ​សកម្មភាព​ធ្វើនេសាទដោយឧបករណ៍
ឆ្នុករួមផ្សំភ្លើង ជាលទ្ធផល ០១ករណី​វត្ថុតាង រុះរើ ដកហូតជាលទ្ធផលបាន០១ ករណី 
វត្ថុតាងរួមមាន
- អាគុយ ៧០អំពែរ ចំនួន ០៥គ្រឿង
- ប្រដាប់តម្លើងភ្លើង ចំនួន ០៥គ្រឿង 
- សាច់ឆ្នុក ទំហំ ១៧មx ០៤មx០៤ម ក្រឡា០,១២ម (ចំនួន០១ វង់) 
- ខ្សែភ្លើងប្រវែង ៤០ម៉ែត្រ 
- ខ្សែរួមផ្សំ ៣២០ម៉ែត្រ 
- ត្រីចម្រុះ ចំនួន ០២គីឡូក្រាម
បន្ទាប់ពីក្រុមការងារចម្រុះ យកបានវត្ថុតាង ក្រុមការងារបានបើកកាណូតចេញ ហើយស្រាប់តែលិចជនសង្ស័យមានគ្នាប្រហែលពី០៧នាក់ ទៅ០៨នាក់ បើកកាណូត បម្រុងដណ្ដើមយកវត្ថុតាងបទល្មើសវិញ ពេលនោះក្រុមការងារបាន បញ្ឆេះកាណូតចេញ ស្រាប់តែជនសង្ស័យម្នាក់ បានគប់កាំបិត កាងុក សំដៅមកក្រុមការងារស្ទេីតែប៉ះត្រូវក្បាល លោក យូ សុវិចិត្រ(នាយសង្កាត់ជលផលកំពង់លួង) ជាអ្នកបើកកាណូត តែកាំបិតនោះធ្លាក់ចំ ចន្លោះជើង លោក ជា ប៊ុនធឿង (យោធាខេត្ដ) ដោយឃើញសកម្មភាពនេះក្រុមការងារបានបន្ថែមល្បឿនបើកចេញពីកន្លែងកើតហេតុ ដោយពុំមានអ្នកទទួលរងគ្រោះថ្នាក់អ្វីទេ​ ។​ បច្ចុប្បន្នវត្ថុតាមបទល្មើសនេសាទទាំងអស់បានរក្សាទុក​នៅស្នាក់ការសង្កាត់រដ្ឋបាលជនផលកំពង់លួង ជាបណ្ដោះអាសន្ន​ ។ ចំពោះជនសង្ស័យក្រុមការងារបានឯកភាពគ្នា​ បង្ករសំណុំរឿងបញ្ជូនទៅតុលាការតាមនីតិវិធី​ ។