ថ្ងៃព្រហស្បតិ៍ ៩រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៧ ខែវិច្ឆិកា ឆ្នាំ២០២២​ អ្នកស្រី​ សួង កញ្ញា អនុប្រធានការិយាល័យ​រដ្ឋបាល-បុគ្គលិក បានចូលរួមវគ្គបណ្តុះបណ្តាលលើសូចនាករសមិទ្ធផល​យេនឌ័ររបស់មន្រ្តីរាជការ នៃរដ្ឋបាលថ្នាក់ក្រោមជាតិ​ទាំង២៥ រាជធានី-ខេត្ត ក្នុងគម្រោងបន្សាំ​ និងការ​ប្រែប្រួលអាកាសធាតុរបស់អង្គការ​ SNV​ ប្រចាំប្រទេសកម្ពុជា ក្រោមអធិបតីភាព លោក ម៉ក់ មូនី ប្រធាននាយកដ្ឋានផែនការនិងស្ថិតិ ។​ វគ្គបណ្តុះបណ្តាលមានរយ:ពេល២ថ្ងៃ​ (ថ្ងៃទី១៧-១៨ ខែវិច្ឆិកាឆ្នាំ​ ២០២២) នៅមន្ទីរកសិកម្ម រុក្ខាប្រមាញ់ និងនេសាទ​ ខេត្តកំពត​ ។
សមាសភាពចូលរួមមាន៖
-លោក សុឹម សុវណ្ណា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត
-លោកស្រី ឃឹម គីមបួយ តំណាងអង្គការ SNV
-លោក លោកស្រីមន្រ្តីរាជការអញ្ជើញមកពីបណ្តាលមន្ទីរកសិកម្ម រុក្ខាប្រមាញ់ និងនេសាទខេត្ត រាជធានីទាំង២៥​ ។
គោលបំណងនៃវគ្គបណ្តុះបណ្តាលមាន:
១.ពង្រឹងការយល់ដឹងលើទស្សនទាន យេនឌ័រ និងការពង្រឹងភាពអង់អាចផ្នែកសេដ្ឋកិច្ចដល់ស្រ្តី។
២.ទស្សនទាននៃការប្រែប្រួលអាកាសធាតុ
៣.ទស្សនទាននៃការតាមដាននិងវាយតម្លៃសមិទ្ធផលយេនឌ័រក្នុងក្របខណ្ឌគម្រោង CCIS ។