ថ្ងៃពុធ ១៥រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៣ ខែវិច្ឆិកា ឆ្នាំ២០២២ លោក កែវ ច័ន្ទកែវ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួមកិច្ចប្រជុំនៅក្រសួងបរិស្ថាន ស្ដីពីទិន្នន័យ និងផែនការប្រើប្រាស់ដីធ្លី ឆ្នាំ២០២២ ក្រោមអធិបតីភាព ឯកឧត្ដម សាយ សំអាល់ រដ្ឋមន្រ្តីក្រសួងបរិស្ថា ដោយមានការផ្សព្វផ្សាយពីលទ្ធផលនៃការរៀបចំផែនទីប្រើប្រាស់ដីជារួមក្នុងប្រទេសកម្ពុជា ដើម្បីអោយមានភាពលំអិត និងសុក្រិត ងាយស្រួលក្នុងការយកទៅប្រើប្រាស់ មានលំអិតដូចជា៖
- ផ្ទៃដីលំនៅដ្ឋាន
- ផ្ទៃដីវាលស្មៅ
- ផ្ទៃដីដំណាំស្រូវ
- ផ្ទៃដីព្រៃស្រោង
- ផ្ទៃដីព្រៃបៃតង
- ផ្ទៃដីព្រៃរបោះ
- ផ្ទៃដីព្រៃលិចទឹក
និងមានប្រភេទដំណាំផ្សេងៗ ទៀត ។ កិច្ចប្រជុំក៍បានពិភាក្សាអំពី ទិន្នន័យ និងតួរលេខតើមានភាពត្រឹមត្រូវ និងខ្វះខាត ហើយគួរបន្ថែមទិន្នន័យអ្វីផ្សេងៗ ទៀត និងអាចយកទៅប្រើប្រាស់បានតាមក្រសួង ស្ថាប័ណ្ណរដ្ឋ នៅពេលដែលផែនទីនេះបានរៀបចំរួចរាល់នាពេលខាងមុខបន្តទៀត ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម