ថ្ងៃពុធ ១៥រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៣ ខែវិច្ឆិកា ឆ្នាំ២០២២ លោក ហៃ ធូរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ បានចុះពិនិត្យការងារដាំដុះនិងប្រមូលផលដំណាំបន្លែ របស់ក្រុមផលិតបន្លែសុវត្ថិភាព នៅភូមិអូរថ្កូវ សង្កាត់រលាប ក្រុងពោធិ៍សាត់ ខេត្តពោធិ៍សាត់ បានដាំដុះបន្លែត្រសក់ សណ្តែកគួរ ប៉េងប៉ោះ ននោង ខាត់ណា និងពោត ជាដើម ។ បច្ចុប្បន្ននេះក្រុមកសិករប្រមូលផលក្នុងមួយថ្ងៃបានជាមធ្យមប្រហែល ១.៥០០-២.០០០គីឡូក្រាម ។ តម្លៃលក់ដុំ ត្រសក់ ២.០០០៛/គ.ក្រ សណ្តែកគួរ ២.៥០០៛/គ.ក្រ ចំពោះដំណាំផ្សេងៗ កសិករនឹងប្រមូលផលនៅរយៈពេលប្រហែល១សប្តាហ៍ទៀត ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម