ថ្ងៃចន្ទ ១២កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៥ ខែធ្នូ ឆ្នាំ២០២២ ក្រុមការងារផ្នែករដ្ឋបាលជលផលក្រគរ ដឹកនាំដោយ លោក ភុន សុវណ្ណា នាយផ្នែក រួម មានលោក ហុក ម៉េងអាន នាយសង្កាត់កណ្ដៀង ចូលរួមសហការណ៍ជាមួយ ក្រុមការងារថ្នាក់ជាតិ បង្រ្កាបបទល្មើសជលផលប្រចាំការនៅបឹងទន្លេសាប មានទីតាំងនៅកំពង់លួងដឹកនាំដោយ លោក ជា សោភ័ណ វរះសេនីយ៍ឯក តំណាងកងរាជអាវុធ ហត្ថលើផ្ទៃប្រទេស កងរាជអាវុធហត្ថស្រុក យោធាខេត្ត និងប៉ូលីសស្រុក ដែលមានកម្លាំងសរុប ១៧ នាក់ កាណូតចំនួន ៤ គ្រឿង បានចុះល្បាតចាប់ពី ផាត់សណ្ដោងរហូតដល់ព្រែកកំពង់គុជ និងបង្រ្កាបបទល្មើសនេសាទនៅចំណុចមុខភូមិ រាំងទិល និងខាងមុខព្រែកកំពង់គុជ ឃុំរាំងទិល ស្រុកកណ្ដៀង ខេត្តពោធិ៍សាត់ ។
ជាលទ្ធផលបានចំនួន ០១ ករណី វត្ថុតាងរួមមាន ៖
- អាគុយចំនួន ០៩ គ្រឿង ចំនួន ០៩ កន្លែង
- អំពូលភ្លើងចំនួន ០៦ អំពូល
- សាច់ឈ្នក់(ឆ្នុក)ចំនួន ០២ វង់
- ខ្សែភ្លើងប្រវែង ១៣៥ ម៉ែត្រ
- អាំងវែកទ័រចំនួន ០៩ គ្រឿង
- ខ្សែរួមផ្សំប្រវែង ៦៣០ ម៉ែត្រ ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម