ថ្ងៃព្រហស្បតិ៍ ១៥កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី៨ ខែធ្នូ ឆ្នាំ២០២២​ លោក​  ផាត់ សារុន​ ប្រធានការិយាល័យ​ផលិតកម្ម​និង​បសុព្យាបាល​ នៃមន្ទីរកសិកម្ម​ រុក្ខាប្រមាញ់​ និងនេសាទ​ ខេត្តពោធិ៍សាត់​ បានជួប​ប្រជុំជាមួយមន្ត្រីទទួលបន្ទុកផ្នែកផលិតកម្ម​ និង​បសុព្យាបាល​ ស្រុកតាលោសែនជ័យ និងភ្នាក់ងារសុខភាពសត្វភូមិ​ នៅ​ឃុំផ្ទះរុង ចូលរួមចំនួន ១១នាក់ ។
គោលបំណងនៃកិច្ចប្រជុំដើម្បីរៀបចំផែនការចុះយុទ្ធនាការចាក់វ៉ាក់សាំងដុំពកស្បែកគោក្របីទូទាំងឃុំផ្ទះរុង ដែលនឹងចាប់ផ្តើមនៅថ្ងៃទី ៩ ខែធ្នូ ឆ្នាំ ២០២២តទៅ ។ ក្នុងឱកាស​នោះដែរលោកក៏បាន​ណែនាំពីរបៀបប្រើប្រាស់វ៉ាក់សាំង និងសម្ភារ:បរិក្ខាឱ្យបាន​ត្រឹមត្រូវតាមបច្ចេកទេស ព្រមទាំងចែកជូន​នូវសម្ភារ:បរិក្ខាបសុពេទ្យ និងថ្នាំវ៉ាក់សាំង​ LSD ដល់ភ្នាក់ងារសុខភាពសត្វភូមិ​ទាំង​ ១១នាក់ និង​បន្តចុះពិនិត្យណែនាំអំពីប្លង់បច្ចេកទេសនៃគម្រោងសាងសង់កសិដ្ឋានចិញ្ចឹមគោមេ​ និងគោសាច់ ខ្នាតតូចមួយកន្លែងដែលមាន​ម្ចាស់ឈ្មោះ ជឹម លឹមគ្រី ដែលកំពុងសាងសង់ ស្ថិតនៅភូមិជ្រៃក្រឹម ឃុំផ្ទះរុង ស្រុកតាលោសែនជ័យ​ ខេត្តពោធិ៍សាត់​ ។