ថ្ងៃអង្គារ ៥រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៣ ខែធ្នូ ឆ្នាំ២០២២ លោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តពោធិ៍សាត់ បានអញ្ជេីញចូលរួម វគ្គបណ្តុះបណ្តាល និងទិវាបង្ហាញ ស្តីពីផលិតកម្មដំណាំបន្លែ និងការចិញ្ចឹមមាន់ នៅភូមិស្ទឹងថ្មី តំបន់ទួលគ្រោះ ឃុំប្រម៉ោយ ស្រុកវាលវែង ខេត្តពោធិ៍សាត់ ក្រោមអធិបតីភាព លោកស្រី ម៉ក់ សុភាព អភិបាលរងស្រុក និង លោក ម៉ោញ សម្បត្តិ តំណាងរាជរដ្ឋាភិបាល និងប្រជាជនជប៉ុន ជាម្ចាស់ជំនួយ មានការចូលរួមពី លោក រស់ សុធា ប្រធានមណ្ឌលអភិវឌ្ឍន៍ មរតក តេជោ, លោក ទិត សុផល ប្រធានគម្រោងវិស្វកម្ម និងហ្វឹកហ្វឺន,លោក រស់ សុធាសុខ ស៊ីថា ក្រុមប្រឹក្សាឃុំ និងមន្ត្រីបច្ចេកទេស ថ្នាក់ខេត្ត និងកសិកម្មធនធានធម្មជាតិ និងបរស្ថានស្រុក រួមទាំងកសិករចូលរួម ៤៥នាក់ ស្រី ២៣នាក់ ។
កម្មវិធីមានដូចខាងក្រោម៖
-មតិស្វាគមន៍ ដោយក្រុមប្រឹក្សាឃុំ
-របាយការណ៍សង្ខេបពីវគ្គបណ្តុះបណ្តាល
-មតិសំណេះសំណាល ពីលោកប្រធានវិស្វកម្ម កសិកម្ម
-មតិសំណេះសំណាលពីលោកស្រី អនុប្រធានមន្ទីរកសិកម្ម
-មតិសំណេះសំណាលពីតំណាង ប្រជាជន និងប្រទេសជប៉ុន
-មតិសំណេះសំណាល និងបិទកម្មវិធី ដោយលោកស្រីអភិបាលរងស្រុក និងកម្មវិធីទស្សន:កិច្ច ចំការបង្ហាញ និងមាន់បង្ហាញ និងសំណួរ ចម្លើយ របស់អ្នកចូលរួម ទាំងការដាំបន្លែ និងការចិញ្ចឹមមាន់ ។
