ថ្ងៃសុក្រ ៨រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៦ ខែធ្នូ ឆ្នាំ២០២២ លោក ផាត់ សារុន ប្រធានការិយាល័យផលិតកម្ម និងបសុព្យាបាល បានដឹកនាំមន្ត្រីរៀបចំកម្មវិធីប្រជុំផ្សព្វផ្សាយអំពីអត្ថប្រយោជន៍ ការថែទាំឡជីវឧស្ម័នដល់ប្រជាកសិករ ដែលមានការអញ្ជើញជាអធិបតីដោយលោកស្រី ជ័យ ចន្នី អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តពោធិ៍សាត់ លោក ជួប សុផល ក្រុមប្រឹក្សា សង្កាត់រលាប និងមានការចូលរួមពីលោកស្រីអនុភូមិរលាប ព្រមទាំងកសិករចំនួន៥០ នាក់ /ស្ត្រី២៣នាក់ ស្ថិត នៅភូមិរលាប សង្កាត់រលាប ក្រុងពោធិ៍សាត់ ខេត្តពោធិ៍សាត់ ។
សកម្មភាពនិងលទ្ធផលនៃកិច្ចប្រជុំ:
- មានការពិភាក្សាយ៉ាងផុសផុល បានបង្ហាញពី ហ្គាស់ Gas ចំអិនអាហារ ការដាំបន្លែ ដំណាំផ្សេងៗ ដោយជាកាកសំណល់ចេញពីជីឡជីវឧស្ម័ន ។ កសិករដែលមាន ឡជីវឧស្ម័នកំពុងប្រើប្រាស់រាល់ថ្ងៃ ចំនួន២ផ្ទះ បានរាយរាប់ប្រាប់ពីអត្ថប្រយោជន៍ ភាពងាយស្រួល ការចំណេញ និងការលំបាកខ្លះៗ ។
- បានចុះទស្សន:កិច្ចឡជីវឧស្ម័នដល់ផ្ទះកសិករដែលមានឡកំពុងប្រើប្រាស់ទាំងពីរផ្ទះ ធ្វើឲ្យមានការចាប់អារម្មណ៍ពីកសិករអ្នកចូលរួម។
-ជាលទ្ធផល:មានកសិករស្ម័គ្រចិត្តសាងសង់ឡចំនួន០៤ នាក់បន្ថែមទៀត ។
