ថ្ងៃចន្ទ ១១រោច ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១៩ ខែធ្នូ ឆ្នាំ២០២២ លោក មួន វុឌ្ឍី ប្រធានស្ដីទីការិយាល័យផលិតកម្ម និងបសុព្យាបាល បានដឹកនាំមន្ត្រី សហការជាមួយមន្ត្រីផ្នែកស្រុកបាកានចុះពិនិត្យស្ថានភាពការចិញ្ចឹមសត្វគោក្របីរបស់ប្រជាពលរដ្ឋ នៅឃុំស្នាមព្រះ ស្រុកបាកាន ខេត្តពោធិ៍សាត់ ឃេីញថា៖
-ភូមិចំបក់មាស មានគោក្របីសរុប៤១០ក្បាល/១២០ក្បាល កំពុងឈឺចំនួន១២ក្បាល(គោសុទ្ធ១គ្រួសារ) ចេញរោគ សញ្ញានៅថ្ងៃទី១៦ ខែធ្នូ ឆ្នាំ២០២២
-ភូមិត្រាំពែ មានគោក្របីសរុប៥៦០ក្បាល/ក្របី១៦៥ក្បាល កំពុងឈឺចំនួន៧៥ក្បាល(គោសុទ្ធ២២គ្រួសារ) ចេញរោគ សញ្ញានៅថ្ងៃទី១៥ ខែធ្នូ ឆ្នាំ២០២២។
-សត្វឈឺទាំងអស់ខាងលើមានរោគសញ្ញាដូចជា គ្រុនក្ដៅ ហៀរទឹកមាត់ ហេីបក្រចក សត្វនៅស្ងៀមមិនចង់ធ្វើចលនា ពងបែកក្នុងមាត់ អណ្ដាត។ ដែលសង្ស័យថាជាជំងឺអុតក្តាមគោក្របី និងយកសំណាកបាន០៥ក្បាល(ពងដោរក្នុងមាត់) ត្រៀមផ្ញើរទៅមន្ទីរពិសោធន៍ ដេីម្បីធ្វើរោគវិនិច្ឆ័យ។
-វិធានការផ្សព្វផ្សាយអំពីផលប៉ះពាល់នៃជំងឺឆ្លងគ្រប់ប្រភេទលេីសត្វ ណែនាំឱ្យកសិករយកចិត្តទុកដាក់ថែទាំសត្វ និងយកសត្វទៅចាក់វ៉ាក់សាំងការពារនៅពេលការិយាល័យមានយុទ្ធនាការចុះចាក់ម្តងៗ។
-បានផ្តល់ថ្នាំព្យាបាល សម្ភារៈបរិក្ខាមួយចំនួនដល់ភ្នាក់ងារសុខភាពសត្វភូមិចំនួន០៤នាក់ផងដែរ។
