ថ្ងៃអង្គារ ៥កើត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៧ ខែធ្នូ ឆ្នាំ២០២២ លោក​ ម៉ែន​ សុខជា​ អនុប្រធាន​ការិយាល័យ​អភិវឌ្ឍន៍​សហគមន៍​កសិកម្ម​ បានចូលរួមពិធីប្រកាសទទួលស្គាល់ សមាជិក​ដៃគូសហប្រតិបត្តិការរបស់វេទិកាសម្ព័ន្ធ​សង្គមស៊ីវិល​ប្រចាំខេត្តពោធិ៍សាត់ ក្រោមអធិបតីភាព របស់ឯកឧត្តម កឹមរ័ត្ន វិសិដ្ឋ ជាប្រធានក្រុមប្រឹក្សាភិបាល វ.ស.ស ត្រូវបានជ្រើសតាំងជាសមាជិកគណៈកម្មាធិការ​អចិន្ត្រៃយ៍​នៃបណ្តាញកិច្ចសហប្រតិបត្តិការអង្គការសម្រាប់ប្រចាំតំបន់អាស៊ីអាគ្នេយ៍។
គោលបំណងនៃការបង្កើត វ.ស.ស
-​ សម្របសម្រួលការងារសង្គមស៊ីវិល ដើម្បីសម្រេចឲ្យបាននូវសុខដុមនីយកម្មសង្គមស៊ីវិលនៅកម្ពុជា ។
-​ ប្រមូលផ្តុំទស្សនៈ និងមតិយោបល់ពីសំណាក់ក្រុមបញ្ញវន្ត ក្រុមអ្នកស្រាវជ្រាវបណ្ឌិតសភាចារ្យ និងសង្គមស៊ីវិល តាមរយៈការពិភាក្សា និងការស្រាវជ្រាវតាមបែបវិទ្យាសាស្ត្រ ។
-​ លទ្ធផលនៃកិច្ចពិភាក្សា​ និងការស្រាវជ្រាវនឹងត្រូវប្រើប្រាស់ជាធាតុចូល សម្រាប់ការរៀបចំនូវសំណើគោលនយោបាយថ្មីៗ ដែលបម្រើឲ្យផលប្រយោជន៍​សាធារណៈ តាមគោលការណ៍ស្ម័គ្រចិត្ត ។​ សមាជិកចូលរួមសរុបចំនួន​ ១៤៥នាក់ ស្រ្តី​ ២៣នាក់ ។