ថ្ងៃពុធ ៦កើត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២៨ ខែធ្នូ ឆ្នាំ២០២២ ខណ្ឌរដ្ឋបាលជលផលពោធិ៍សាត់ នៃមន្ទីរកសិកម្ម​ រុក្ខាប្រមាញ់ និង​នេសាទ លោក ភុំ វិមល នាយខណ្ឌរដ្ឋបាលជលផល​ពោធិ៍សាត់ មាន នាយរងខណ្ឌ នាយផ្នែកក្រគរ នាយ​សង្កាត់កំពង់លួង ជាមួយគណៈបញ្ជាការឯកភាពរដ្ឋបាលស្រុកក្រគរ លោក ខាត់ ពុយ អភិបាលរងស្រុក សហការជាមួយ ក្រុមការងារថ្នាក់ជាតិ លោក ច្រឹង តាំងលី នាយរងអធិការដ្ឋានរដ្ឋបាលជលផលខាងត្បូងបឹងទន្លេសាប លោក​ វរសេនីយ៍ឯក​ ជា សោភ័ណ្ឌ តំណាងកងរាជអាវុធហត្ថលើផ្ទៃប្រទេស និងលោកតំណាងអគ្គស្នងការនគរបាលជាតិ រួមមានកងរាជអាវុធហត្ថខេត្ដ-ស្រុកក្រគរ យោធាខេត្ដ នគរបាលប្រឆាំង​បទល្មើសសេដ្ឋកិច្ចខេត្ដពោធិ៍សាត់ ចុះអធិការកិច្ច បង្រ្កាបបទល្មើសការដាក់របាំងលប លើសប្រវែងកំណត់ ដោយប្រើប្រាស់កំលាំងសរុប ៤៣នាក់ និងកាណូតចំនួន ០៦គ្រឿងចាប់ពីជ្រោយស្ដី ឃុំក្បាលត្រាច រហូតដល់ព្រំប្រទល់ខេត្ដពោធិ៍សាត់-កំពង់ធំ-កំពង់ឆ្នាំង
វត្ថុតាង រុះរើ បំផ្លាញចោល ជាលទ្ធផលបាន០១ ករណី
- របាំង៩ ខ្សែ ប្រវែង ១.៨៥០ម៉ែត្រ​ (លើសប្រវែងកំណត់)
- បង្គោល ចំនួន ១៧០ដើម
- ចាក់លែងត្រី ២៥គីឡូក្រាម
ជាចុងក្រោយក្រុមការងារ បានផ្សព្វផ្សាយនៅតំបន់ក-ដប ឲ្យរុះរើ ទុកសម្រាប់ត្រីធ្វើចរាចរណ៍​ ។