ថ្ងៃចន្ទ ១១កើត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី២ ខែមករា ឆ្នាំ២០២៣ លោកស្រី​ ជ័យ​ ចន្នី​ អនុប្រធាន​មន្ទីរ​កសិកម្ម​ រុក្ខាប្រមាញ់​ និង​នេសាទ​ ខេត្តពោធិ៍សាត់​ បានអញ្ជេីញ​ចូលរួម ក្នុងពិធីបើកបវេសនកាល ឆ្នាំសិក្សា២០២៣-២០២៤ នៅបរិវេណអនុវិទ្យាល័យពោធិ៍សាត់ ក្រោមអធិបតីភាពដ៏ខ្ពង់ខ្ពស់ ឯកឧត្តម ខូយ រីដា អភិបាលនៃគណ:អភិបាលខេត្តពោធិ៍សាត់ ដោយមានការអញ្ជើញចូលរួមជាកិត្តិយសពី ឯកឧត្ដម​ អភិបាលរងខេត្ត លោកអភិបាលក្រុង លោក លោកស្រីប្រធាន អនុប្រធានមន្ទីរអង្គភាពជុំវិញខេត្ត កងកំលាំងប្រដាប់អាវុធទាំងបី លោកគ្រូ អ្នកគ្រូ សមាគមន៍មាតាបីតាសិស្ស សិក្សានុសិស្ស ដោយមានអ្នកចូលរួមយ៉ាងច្រើនកុះករ ។​ នៅក្នុងឱកាសនោះដែរ​មន្ទីរកសិកម្មបាននាំយកសៀវភៅសរសេរ ចំនួន ៥០ក្បាល បុិច​ចំនួន ១០០ដើម និងខ្មៅដៃ ចំនួន ១៥០ដេីម​ ជូននាយកសាលា សម្រាប់ចែកជូនដល់សិក្សានុសិស្ស​ ។