ថ្ងៃអង្គារ៍៤រោច ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹង ថ្ងៃទី១០ ខែមករា ឆ្នាំ២០២៣ លោក ហៃ ធូរ៉ា ប្រធានមន្ទីរ បានអមដំណើរ ជាមួយ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់បានចុះពិនិត្យស្ថានភាពការងារបង្កបង្កើនផលស្រូវរដូវប្រាំង និងអន្តរាគមន៍បើកទឹក ជូនប្រជាកសិករ ក្នុងភូមិច្រប់ ឃុំស្វាយដូនកែវ ស្រុកបាកាន ខេត្តពោធិ៍សាត់ ដែលកំពុងខ្វះខាតទឹកជាចាំបាច់។ ចំពោះការងារបង្កបង្កេីនផលស្រូវរដូវប្រាំង ក្នុងឃុំស្វាយដូនកែវ ផ្ទៃដីអនុវត្តបានសរុបចំនួន២,៥២០ហិកតា(លើសផែនការ) ក្នុងនោះផែនការសរុប១,០៧០ហិកតា។ សម្រាប់ទូទាំងស្រុកបាកាន ផ្ទៃដីអនុវត្តបាន២៤,១២៦ហិកតា(លើសផែនការ) នៃផែនការ៧,២០០ហិកតា៕
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម