ថ្ងៃព្រហស្បតិ៍ ១៣រោច ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី១៩ ខែមករា ឆ្នាំ២០២៣  លោក ហ៊ន់ សុវណ្ណ អនុប្រធានមន្ទីរកសិកម្ម  លោក មាស សេត ប្រធានការិយាល័យក្សេត្រសាស្ត្រ និងផលិតភាពកសិកម្ម  និងលោក ទោម ទីន អនុប្រធានការិយាល័យកសិកម្ម ធនធានធម្មជាតិ និងបរិស្ថានស្រុកបាកាន ក្រុមប្រឹក្សាឃុំ មេភូមិ បានចុះ ពិនិត្យស្ថានភាព​ជន់លិចស្រូវប្រជាពលរដ្ឋក្នុងភូមិ អូរបត់ និងភូមិរបោះរាំង ឃុំអូរតាប៉ោង ស្រុកបាកាន តាមការពិនិត្យជាក់ស្តែង មានការលិចស្រូវ នៅភូមិអូរបត់ ប៉ះពាល់២៣ ហត ខូច២៣ ហត ស្មើ១១គ្រួសារ  ភូមិរបោះរាំង ប៉ះពាល់៤០ ហត អត់ទាន់ខូចនៅឡើយ ទើបតែលិចបាន​ ២ថ្ងៃ ។ មូលហេតុទឹកលិចដោយសារស្ទះទឹក អត់មានផ្លូវទឹកហូរទៅខាងក្រោម  ទ្វារទឹកបិទ អ្នកខាងក្រោមបិទ ។