ថ្ងៃចន្ទ ៨កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៧ ខែកុម្ភៈ ឆ្នាំ២០២៣​ នៅការិយាល័យអប់រំស្រុកក្រគរ​ គណៈបញ្ជាការឯកភាពរដ្ឋបាលខេត្ដពោធិ៍សាត់ ដឹកនាំដោយ ឯកឧត្ដម ឡាយ វិសិដ្ឋ  អភិបាលរង បានដឹកនាំកិច្ចប្រជុំពិភាក្សា ស្ដីពីការប្រើប្រាស់ឧបករណ៍នេសាទ និងវិធានការទប់ស្កាត់ ការពារធនធានជលផលដើម្បីឲ្យមាននិរន្តរភាព ដោយមានការចូលរួមពី លោកឧត្តមសេនីយ៍ទោជា សំណាង តំណាងកងរាជអាវុធហត្ថលើផ្ទៃប្រទេស លោកតំណាងអគ្គស្នងការនគរបាលជាតិ 
នាយរងអធិការដ្ឋានរដ្ឋបាលជលផលខាងត្បូងបឹងទន្លេសាប លោកអនុប្រធាន មន្ទីរកសិកម្មខេត្ដពោធិ៍សាត់ លោកនាយខណ្ឌ-នាយផ្នែកក្រគរ-នាយសង្កាត់កំពង់លួង មន្ទីរបរិស្ថានខេត្ដពោធិ៍សាត់ អភិបាលរងស្រុកក្រគរ កងរាជអាវុធហត្ថខេត្ដពោធិ៍សាត់
ប៉ូលីសប្រឆាំងបទល្មើសសេដ្ឋកិច្ចខេត្តពោធិ៍សាត់
អធិការនគរបាលស្រុកក្រគរ  អាជ្ញាធរឃុំ-ភូមិដែលពាក់ព័ន្ធទាំងអស់។
កិច្ចប្រជុំ ពិភាក្សានេះ ផ្ដោតលើខ្លឹមសារដូចខាងក្រោម :
១- អង្គប្រជុំបានឯកភាពនៃប្រសិទ្ធភាព ក្នុងការបង្ក្រាបបទល្មើសនេសាទដោយបំបាត់បានទាំងស្រុងនូវឧបករណ៍ទ្រង់ទាយធំៗដូចជា អួនអូសទឹកសាប យ៉ាងកាវ(ឆក់ក្ដៅ-ឆក់ត្រជាក់ ) ឈិបយន្ត ។ឆ្នាំនេះសំបូរត្រីជាងឆ្នាំមុន អ្នកនេសាទដោយមងរាយ សប្បាយចិត្តដោយបានប្រាក់ចំណូលខ្ពស់ ជាងឆ្នាំមុន។
២- ប្រចាំការ ការពារកន្លែងអភិរក្សជលផលទាំង ៦កន្លែង
៣- ក្រុមការងារថ្នាក់ជាតិ-ក្រោមជាតិត្រូវតែបន្តកិច្ចសហការគ្នា ឲ្យបានល្អថែមទៀតក្នុងការទប់ស្កាត់និងបង្ក្រាបទល្មើសជលផល
៤-បន្តស្រាវជ្រាវអ្នកប្រព្រឹត្តបទល្មើសផ្សេង ៗដើម្បីកំណត់មុខសញ្ញា បង្កសំណុំរឿងបញ្ជូនទៅតុលាការ។
៥- រៀបចំចងក្រង ក្រុមអ្នកនេសាទដែលមានមុខរបរ លប លបណររ៉ាវ ឲ្យបានសមស្រប តាមប្រវែង និងក្រឡាដែលបានតំណត់ ក្នុងក្របខ័ណ្ឌ
ខេត្ដពោធិ៍សាត់
៦- បន្តចុះផ្សព្វផ្សាយ អប់រំ ណែនាំ និងរៀបចំកិច្ចប្រជុំរវាង អាផ្ញាធរ និងប្រជានេសាទ លើបញ្ហាផ្សេងៗ
៧- ផ្សព្វផ្សាយ ផ្ដល់បច្ចេកទេស នឹងបង្កើន
មុខរបរផ្សេងៗដូចជា ការកែច្នៃ ក្រុមអ្នកចិញ្ចឹមត្រី ជាដើម ។
៨- បន្តយន្តការទប់ស្កាត់ និងការពារការទន្ទ្រានដីព្រៃលិចទឹក ឲ្យមានប្រសិទ្ធភាព។