ថ្ងៃសុក្រ៩កេីត ខែអាសាឍ ឆ្នាំម្សាញ់ សប្តស័ក ពស ២៥៦៩ ត្រូវនឹងថ្ងៃទី០៤ ខែកក្កដា ឆ្នាំ២០២៥
លោកផាត់ សារុន ប្រធានការិយាល័យ ដឹកនាំមន្ត្រី៤រូប ចុះត្រួតពិនិត្យស្ថានភាពការចិញ្ចឹមមាន់ទា និងបាញ់ថ្នាំសម្លាប់មេរោគ នៅភូមិត្រាំ និងភូមិបង្គងឃ្មុំ ឃុំត្នោតជុំ ស្រុកក្រគរ ខេត្តពោធិ៍សាត់។
ក្រុមការងារទាំងអស់បានចុះប្រមូលព័ត៌មានជំងឺសត្វ និងបាញ់ថ្នាំសម្លាប់មេរោគតាមខ្នងផ្ទះ
-ភូមិត្រាំ មានមាន់ឈឺ និងងាប់ ១៧០ក្បាល ស្មេីនឹង១៦គ្រួសារ
-ភូមិបង្គងឃ្មុំ មាន់ទា ឈឺងាប់១៤០ក្បាល និងទាងាប់២៨ក្បាល ស្មេីនឹង៨គ្រួសារ
ភូមិទាំងពីរខាងលេី ចាប់ផ្តើមឈឺកាលពីថ្ងៃទី២៧ ខែមិថុនា ហេីយបន្តឈឺងាប់ក្នុងកម្រិតតិចតួចមកទល់ពេលនេះ។
បន្ទាប់ពីក្តាប់ស្ថានភាពជំងឺសត្វរួចមក ក្រុមការងារបានបាញ់ថ្នាំសម្លាប់មេរោគតាមខ្នងផ្ទះដែលមានមាន់ទា ឈឺងាប់ និងផ្ទះដែលមិនទាន់ឈឺ សរុបចំនួន២៦ខ្នងផ្ទះ ហេីយឆ្លៀតក្នុងឱកាសនោះ លោកប្រធាន បានផ្សព្វផ្សាយ ណែនាំ ឱ្យប្រជាពលរដ្ឋដែលមានសត្វឈឺងាប់ មិនឱ្យយកទៅបរិភោគ បេីមានងាប់ត្រូវយកទៅកប់ចោល និងហាមកុំឱ្យសមាជិកគ្រួសារ ពិសេសក្មេងៗទៅលេង ឬប៉ះពាល់ជាមួយសត្វឈឺឬងាប់ជាដាច់ខាត។
ដោយឡែក ចំពោះភូមិទួលអណ្ដែត ឃុំស្វាយស ស្រុកក្រគរ តាមការរាយការណ៍ពីមេភូមិ និងចុះពិនិត្យជាក់ស្ដែង ឃេីញថាស្ថានភាពជំងឺសត្វមានការធូរស្រាលច្រើន និងមិនមានសត្វមាន់ទាឈឺថ្មីបន្ថែមទៀតទេ។
ផែនការបន្ត
បន្តតាមដាន ឃ្លាំមើល ស្ថានភាពជំងឺសត្វ និងបាញ់ថ្នាំសម្លាប់មេរោគបន្តទៀត
