ថ្ងៃពុធ ៤រោច ខែស្រាពណ៍ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី១៣ ខែសីហា ឆ្នាំ២០២៥ វេលាម៉ោង៨ព្រឹក នៅខណ្ឌរដ្ឋបាលព្រៃ​ឈើពោធិ៍សាត់សហការជាមួយឃុំត្នោតជុំ បានសម្រប​សម្រួល​រៀបចំកិច្ចប្រជុំក្នុងគោលបំណង៖  វឌ្ឍន៍ភាពនៃការគ្រប់គ្រងសហគមន៍ព្រៃឈើ បញ្ហាជួបប្រទះ សំណូមពរ និងរៀបចំផែនការបន្ត និងពិភាក្សាប្រមូលធាតុចូល​សំខាន់ៗទាក់ទងការរុករានដីព្រៃសហគមន៍ និងដី​អាស្រ័យ​ផល ។ លទ្ធផលសំខាន់ៗ សហគមន៍ទាំងអស់បានដើរល្បាតជាទៀងទាត់ ថែទាំចំការព្រៃដាំ ទប់ស្កាត់​ភ្លើង​ឆេះព្រៃ។​ ចំពោះបញ្ហាជួបប្រទះ មានការលួចកាប់ឈើពីភូមិផ្សេងក្រៅសហគមន៍ គាស់ដើមគុយ ដើមតាឡាត់ ដាក់អន្ទាក់ រុករកអនុផលព្រៃឈើលើសពីប្រពៃណីពីអ្នកក្រៅសហគមន៍ ឃុំផ្សេង និងភ្លើងឆេះព្រៃជាដើម។ ករណីអ្នករុករានដីព្រៃសហគមន៍ និងដីអាស្រ័យផល អង្គប្រជុំបានប្រមូលទិន្ន័យព័ត៌មានពីគ្រប់សហគមន៍​ទាំង៥ និងបានរៀបចំផែនការដើម្បីចុះផ្ទៀងផ្ទាត់ដីរុករាន និងដីអាស្រ័យផល ផងដែរ។