ថ្ងៃព្រហស្បតិ៍១៣កេីត ខែស្រាពណ៍ ឆ្នាំម្សាញ់ សប្តស័ក ពស២៥៦៩ ត្រូវនឹងថ្ងៃទី៧ ខែសីហា ឆ្នាំ២០២៥
លោកផាត់ សារុន ប្រធានការិយាល័យ
លោកមួន វុឌ្ឍី អនុប្រធានការិយាល័យ
បានអញ្ជើញជាអធិបតីក្នុងពិធីប្រគល់វិញ្ញាបនបត្របញ្ជាក់ការសិក្សាដល់ភ្នាក់ងារសុខភាពសត្វភូមិ ដែលបញ្ចប់វគ្គបណ្ដុះបណ្ដាលថ្នាក់ខេត្តស្តីពី ការចិញ្ចឹមសត្វ និងបង្កាត់ពូជភាតរបរិស្ថាន បច្ចេកទេសបង្កាត់សិប្បនិម្មិតគោ នៅស្រុកកណ្តៀង និងស្រុកភ្នំក្រវាញ។
គម្រោងសុខភាពសត្វឆ្លងកាត់ព្រំដែន និងការជម្រុញខ្សែរច្រវ៉ាក់តម្លៃសត្វ បានសហការជាមួយការិយាល័យផលិតកម្ម និងបសុព្យាបាលខេត្តពោធិ៍សាត់ បានរៀបចំវគ្គបណ្ដុះបណ្ដាលថ្នាក់ខេត្តស្តីពីការចិញ្ចឹមសត្វ និងការបង្កាត់ពូជភាតរបរិស្ថាន បច្ចេកទេសបង្កាត់សិប្បនិម្មិតគោ។
ក្នុងគោលបំណងបង្កើនឱ្យមានចំណេះដឹងការចិញ្ចឹមគោ និងការអនុវត្តល្អ ដេីម្បីកាត់បន្ថយផលប៉ះពាល់ដល់បរិស្ថាន ផ្តល់ជំនាញបង្កាត់សិប្បនិម្មិតគោ ចែករំលែកបទពិសោធន៍នៃការចិញ្ចឹមគោ និងចូលរួមទប់ស្កាត់ជំងឺឆ្លងតាមរយៈការបង្កាត់ពូជគោ។
វគ្គបណ្ដុះបណ្ដាលខាងលើ បានដំណើរការរយៈពេល៣សប្ដាហ៍ នៅក្នុងខែកក្កដា ឆ្នាំ២០២៥ កន្លងទៅ និងបានបិទបញ្ចប់វគ្គនៅថ្ងៃទី៧ ខែសីហា នេះ មានភ្នាក់ងារសុខភាពសត្វភូមិដែលសកម្មការងារចូលរួម៤០នាក់(កណ្តៀង២០នាក់ និងភ្នំក្រវាញ២០នាក់) ប្រកបដោយភាពជោគជ័យ។
សិក្ខាកាមចូលរួមទាំងអស់បានយកចិត្តទុកដាក់រៀន ជាពិសេសការអនុវត្តការបង្កាត់សិប្បនិម្មិតគោ ទៅលេីមេគោដែលរកឈ្មោលផ្ទាល់តែម្ដង។
ផែនការបន្ត ត្រៀមរៀបចំវគ្គបណ្ដុះបណ្ដាលនៅស្រុកតាលោសែនជ័យ នៅសប្ដាហ៍ទី៣ នៃខែសីហា ឆ្នាំ២០២៥នេះ ដោយជ្រេីសរេីសភ្នាក់ងារសុខភាពសត្វភូមិដែលសកម្មការងារ ចូលរួម៤០នាក់ទៀត។
