ថ្ងៃសុក្រ ៩រោច ខែកត្តិក ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី១៤ ខែវិច្ឆិកា ឆ្នាំ២០២៥ លោកហៃ ធូរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទ បានអនុញ្ញាតឱ្យទីប្រឹក្សាបច្ចេកទេសផ្នែកផលិតកម្មសត្វ និងអ្នកសម្របសម្រួលផែនការវិនិយោគអាជីវកម្មកសិកម្ម និងកសិដ្ឋានចិញ្ចឹមសត្វ ចំនួន៣រូប របស់ផ្នែកអង្គភាពអនុវត្តគម្រោងPIU នៃអគ្គនាយកដ្ឋានសុខភាពសត្វ និងផលិតកម្មសត្វ និងដោយមានការចូលរួមពីលោកផាត់ សារុន ប្រធានការិយាល័យ ព្រមទាំងមន្ត្រី១រូប។
ដេីម្បីពិភាក្សាលេីការជ្រេីសរេីសទីតាំងសាងសង់មជ្ឈមណ្ឌលចែកចាយទឹកមេជីវិតគោ និងការចុះសិក្សាកសិដ្ឋានចិញ្ចឹមគោ របស់គម្រោងសុខភាពសត្វឆ្លងកាត់ព្រំដែន និងខ្សែច្រវ៉ាក់តម្លៃសត្វ។
ក្នុងជំនួបប្រជុំនេះ លោកប្រធានមន្ទីរបានបញ្ជាក់លេីទីតាំងដែលអាចសាងសង់មជ្ឈមណ្ឌលបានគឺនៅក្នុងបរិវេណមន្ទីរកសិកម្ម(ដីកសិកម្មក្រុងជាប់របងឃ្លាំងដាក់សម្ភារៈមន្ទីរ) គោលបំណងដែលជ្រេីសរេីសទីតាំងនេះ គឺនៅកៀកកន្លែងធ្វើការងាយស្រួលចេញចូល មេីលថែទាំ និងជាប្រយោជន៍សម្រាប់ថ្ងៃខាងមុខ។ បន្ទាប់ពីពិភាក្សាការងាររួចក្រុមការងារបានចុះពិនិត្យទីតាំងដីកសិកម្មក្រុង ផ្ទាល់ ដេីម្បីឱ្យក្រុមការងារផ្នែកអង្គភាពអនុវត្តគម្រោងPIU ចុះមកសិក្សាបន្ថែមទៀតអំពីផលប៉ះពាល់បរិស្ថាន និងសង្គម។
ឆ្លៀតក្នុងឱកាសនោះ ក្រុមការងារក៏បានទៅចុះទៅកសិដ្ឋានចិញ្ចឹមគោមួយកន្លែង របស់លោកសន លន់ ដែលមានទីតាំងនៅភូមិព្រហស្បតិ៍ក្បាល ឃុំផ្ទះរុង ស្រុកតាលោសែនជ័យ បច្ចុប្បន្នកសិដ្ឋាននេះ មានគោ១១០ក្បាល កំពុងចិញ្ចឹមយ៉ាងជោគជ័យ។
