ថ្ងៃពុធ ១៤រោច ខែកត្តិក ឆ្នាំម្សាញ់ សប្តស័ក ព.ស. ២៥៦៩

ត្រូវនឹង ថ្ងៃទី១៩ ខែវិច្ឆិកា ឆ្នាំ២០២៥ លោក គង់ សុគុណ អនុប្រធានការិយាល័យកសិឧស្សាហកម្មបានចូលរួមវគ្គបណ្តុះបណ្តាលស្តីពីការអនុវត្តអនាម័យល្អ(GHP) និងការវិភាគចំណុចគ្រោះថ្នាក់សំខាន់ៗ(HACCP) ក្រោមអធិបតីភាព ឯកឧត្តម ប៉ក់ សម័យសុនីតិ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមានការអញ្ជើញចូលរួមពីលោកបណ្ឌិត ចាយ ជីម ប្រធាននាយកដ្ឋានកសិ-ឧស្សាហកម្ម លោក ចាន់ រិទ្ធី ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពត លោក តាន់ វិជ្ជា តំណាងគម្រោងEU-German CAPSAFE លោក/លោកស្រី មកពីការិយាល័យកសិ-ឧស្សាហកម្ម នៃមន្ទីរកសិកម្ម រុក្ខាប្រមាញ់ និងនេសាទ ២៥រាជធានី ខេត្ត និងអង្គការដៃគូ ចំនួន ៦១រូប ស្រី ១២រូប នៅសណ្ឋាគារភាពសុខុម ខេត្តកំពត៕