ថ្ងៃអង្គារ ៥កើត ខែមិគសិរ ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី២៥ ខែវិច្ឆិកា ឆ្នាំ២០២៥ ឯកឧត្តម ប៉ែន ផល្លីកា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានអញ្ជើញចុះបំពេញបេសកកម្ម និងត្រួតពិនិត្យឧបករណ៍នេសាទលក្ខណៈគ្រួសារក្នុងរដូវបើកនេសាទ នៅភូមិសាស្ត្របឹងទន្លេសាបខេត្តពោធិ៍សាត់ និងខេត្តកំពង់ឆ្នាំង បេសកកម្មនេះ អមដំណើរដោយ  នាយអធិការដ្ឋានរដ្ឋបាលជលផលខាងត្បូងទន្លេសាប នាយខណ្ឌរដ្ឋបាលជលផលពោធិ៍សាត់ នាយខណ្ឌរដ្ឋបាលជលផលកំពង់ឆ្នាំង អភិបាលរងនៃគណ:អភិបាលស្រុកក្រគរ
កងកម្លាំងយោធភូមិភាគ៥(កងពល៥៣)
កម្លាំងប្រតិបត្តិការសឹករងពោធិ៍សាត់
កងរាជអាវុធហត្ថខេត្ត ជាលទ្ធផលក្រុមការងារបានបង្រ្កាបបទល្មើសជលផល
បានចំនួន ០១ករណី ឧបករណ៍នេសាទខុសច្បាប់រុះរើបំផ្លាញចោលរួមមាន: 
+ ០១ករណី 
- របាំងសាច់អួនក្រឡាញឹកប្រវែង ១៥០ម៉ែត្រ
- លូកងសាច់អួនក្រឡាញឹក ចំនួន ០២គ្រឿង
-ដកបង្គោលឈ្នក់ចំនួន ០៣កន្លែង ស្មើនឹង ៣៦ដេីម។ 
ដំណើរបេសកកម្មនោះ ឯកឧត្តម ប៉ែន ផល្លីកា បានសម្តែងការកោតសរសើរ និងថ្លែងអំណរគុណយ៉ាងជ្រាលជ្រៅ ជូនដល់មន្រ្តី អង្គភាពពាក់ព័ន្ធគ្រប់លំដាប់ថ្នាក់ អាជ្ញាធរមូលដ្ឋាន ជាពិសេសកងកម្លាំងចម្រុះនៃកងយោធពលខេមរភូមិន្ទ ដែលបានបំពេញភារកិច្ចយ៉ាងសកម្មក្នុងការបង្រ្កាប ដោយបានកត់សម្គាល់ឃើញថាឧបករណ៍ខុសច្បាប់មានការថយចុះច្រើន និងប្រជានេសាទយល់ដឹងពីការប្រើប្រាស់ឧបករណ៍នេសាទនារដូវបើកនេសាទនេះជាដើម។