ថ្ងៃព្រហស្បតិ៍ ៦រោច ខែមិគសិរ ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី១១ ខែធ្នូ ឆ្នាំ២០២៥ លោកផាត់ សារុន ប្រធានការិយាល័យផលិតកម្ម និងបសុព្យាបាល បានដឹកនាំកិច្ចប្រជុំស្តីពីការពង្រឹងការអនុវត្តការងារ និងជំរុញការចាក់វ៉ាក់សាំងគោក្របី នៅស្រុកបាកាន និងស្រុកក្រគរ។
១/ស្រុកបាកាន មានការចូលរួមពីការិយាល័យកសិកម្ម ធនធានធម្មជាតិ និងបរិស្ថាន និងភ្នាក់ងារសុខភាពសត្វភូមិតំណាងឃុំនីមួយៗ ចំនួន១០នាក់
២/ស្រុកក្រគរ មានការចូលរួមពីការិយាល័យកសិកម្ម ធនធានធម្មជាតិ និងបរិស្ថាន និងភ្នាក់ងារសុខភាពសត្វភូមិតំណាងឃុំនីមួយៗ ចំនួន១០នាក់
គោលបំណងកិច្ចប្រជុំ
-ពង្រឹងការអនុវត្តការងាររវាងការិយាល័យផលិតកម្ម និងបសុព្យាបាលខេត្ត ជាមួយការិយាល័យកសិកម្ម ធនធានធម្មជាតិ និងបរិស្ថាន និងជាមួយភ្នាក់ងារសុខភាពសត្វភូមិ
-ប្រព័ន្ធរាយការណ៍ជំងឺសត្វ
-តួនាទី ភារកិច្ច របស់ភ្នាក់ងារសុខភាពសត្វភូមិ
-ការចូលរួមក្នុងសកម្មភាពអន្តរាគមន៍ជំងឺសត្វ និងសកម្មភាពពាក់ព័ន្ធវិស័យចិញ្ចឹមសត្វ
-រៀបចំផែនការចាក់វ៉ាក់សាំងគោក្របី
-បញ្ហាប្រឈម និងដំណោះស្រាយ។
ក្នុងឱកាសនោះលោកប្រធានការិយាល័យ បានផ្តល់ជូនថ្នាំព្យាបាល សម្ភារៈបរិក្ខាមួយចំនួនដល់ភ្នាក់ងារសុខភាពសត្វភូមិផងដែរ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម