ថ្ងៃអង្គារ ១១រោច ខែមិគសិរ ឆ្នាំម្សាញ់ សប្តស័ក ព.ស. ២៥៦៩

ត្រូវនឹង ថ្ងៃទី១៦ ខែធ្នូ ឆ្នាំ២០២៥​ លោក ផាត់ សារុន ប្រធានការិយាល័យផលិតកម្ម​ និងបសុព្យាបាល ខេត្តពោធិ៍សាត់ សហការជាមួយលោក ជា ដែន ប្រធានផ្នែកផលិតកម្ម​ និងបសុព្យាបាល ស្រុកបាកាន ចុះជម្រុញ​ និង​ពង្រឹងការចាក់វ៉ាក់សាំងគោក្របី​ នៅភូមិ បួរស្រង៉ែ​ និងភូមិព្រះចំបក់ ឃុំត្រពាំងជង ស្រុកបាកាន ដោយមានការឧបត្ថម្ភ គាំទ្រដល់សកម្មភាពរបស់ភ្នាក់ងារសុខភាពសត្វភូមិពីសមាគមន៍Lotary អន្តរជាតិ និងអង្គការ ចេរភាពកម្ពុជា ខេត្តពោធិ៍សាត់ ។  

សមាសភាពចូលរួមនៅក្នុងកម្មវិធីសំណេះសំណាលម្ចាស់សត្វ​ចំនួន២៨គ្រួសារ​ និង មានការចូលរួមពី តំណាងសមាគមន៍ Lotary  អន្តរជាតិ តំណាងអង្គការ ចេរភាពកម្ពុជាខេត្តពោធិ៍សាត់ ក្រុមប្រឹក្សាឃុំត្រពាំងជង​ និងលោកមេភូមិ​។ 

មានការផ្សព្វផ្សាយអំពីអត្ថប្រយោជន៍នៃការចាក់វ៉ាក់សាំងឱ្យបានទៀងទាត់តាមកម្មវិធី ការចិញ្ចឹមថែទាំសត្វ​ ការបង្កាត់ពូជគោសិប្បនិម្មិត និងការសាងសង់ឡជីវឧស្ម័ន។ លទ្ធផលនៃការចាក់វ៉ាក់សាំង (សារទឹកនិងអ៊ុតក្តាម)ភូមិបួស្រង៉ែ និងព្រៃចំបក់ ចំនួន​១៥០ ក្បាល/ក្នុងនោះមានគោសហគមន៍ដែលអង្គការបានផ្តល់ជាធនាគារគោចំនួន២៨ក្បាល(២៨គ្រួសារ)។