ថ្ងៃព្រហស្បតិ៍ ១៣រោច ខែមិគសិរ ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី១៨ ខែធ្នូ ឆ្នាំ២០២៥​ ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្ត អមដំណើរ ឯកឧត្តម ឃឹម ហ្វីណង់ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និង ឯកឧត្តម ហេង សុភាណា អភិបាលរងនៃគណ:អភិបាលខេត្ត ដោយមានការចូលរួម ពី អាជ្ញាធរស្រុក មន្ត្រីកសិកម្មឃុំអ្នកពាក់ព័ន្ធ ចុះពិនិត្យការឈូសឆាយដីសម្រាប់គាំទ្រផលិតកម្មដំណាំបន្លែ ដល់ក្រុមគ្រួសារភាសឹកក្នុងស្រុកវាលវែង​។  ហើយក្រសួងកសិកម្ម រុក្ខាប្រមាញ់ និងនេសាទ និងពិនិត្យលទ្ធភាព ក្នុងការជួយគាំទ្រ បច្ចេកទេស ពូជបន្លែ និងសម្ភារមួយចំនួនសម្រាប់ផលិតកម្ម។