ថ្ងៃព្រហស្បតិ៍ ១០កើត ខែផល្គុន ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី២៦ ខែកុម្ភៈ ឆ្នាំ២០២៦ នៅមន្ទីរកសិកម្ម រុក្ខាប្រមាញ់ និងនេសាទ មានកិច្ចប្រជុំស្ដីពីការពង្រឹករបៀបរបបអនុវត្តការងារ និងការបង្ក្រាបបទល្មេីសរបស់រដ្ឋបាលព្រៃឈេី ដឹកនាំដោយលោក ហៃ ធូរ៉ា ប្រធានមន្ទីរ ដោយមានការចូលរួមពី លោកស្រីអនុប្រធានមន្ទីរ លោកនាយខណ្ឌ នាយរងខណ្ឌ លោកនាយ/នាយរងផ្នែកទាំងបីស្រុុក និងមន្រ្តីខណ្ឌរដ្ឋបាលព្រៃឈេីទាំងអស់ រួមនឹងលោកប្រធានការិយាល័យរដ្ឋបាល បុគ្គលិក លោកស្រីអនុប្រធានការិយាល័យ ទាំងពីរ និងមន្រ្តីការិយាល័យ សរុប ២៧រូប ស្រី ៣រូប ។ លោកប្រធានមន្ទីរបានណែនាំឱ្យមន្ត្រីគ្រប់លំដាប់ថ្នាក់ ត្រូវគោរពវិន័យការងារ និងពង្រឹងការរៀបចំឯកសារឱ្យបានត្រឹមត្រូវតាមបច្ចេកទេស ជាចុងបញ្ចប់កិច្ចប្រជុំលោកក៏បានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីទាំងអស់ប្រកបដោយទំនួលខុសត្រូវដេីម្បីបង្កេីនប្រសិទ្ធភាពការងារឱ្យកាន់តែរីកចំរេីនបន្ថែមទៀត ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម