ថ្ងៃចន្ទ ១៣រោច ខែផល្គុន ឆ្នាំម្សាញ់ សប្តស័ក ព.ស. ២៥៦៩
ត្រូវនឹង ថ្ងៃទី១៦ ខែមីនា ឆ្នាំ២០២៦​ លោក ម៉ែន វណ្ណៈ ប្រធានការិយាល័យផ្សព្វផ្សាយកសិកម្ម និង លោកស្រី សាមិត សោភ័ណ អនុប្រធាន បានសម្របសម្រួលកិច្ចប្រជុំផ្សព្វផ្សាយស្តីពីការប្រែប្រួលអាកាសធាតុនិងការបន្សាំក្នុងវិស័យកសិកម្ម យោងតាមផែនការ និង ការប្រើប្រាស់ថវិកាកម្មវិធី ២០២៦ ដល់គណៈកម្មការសហគមន៍និងសមាជិកសហគមន៍កសិកម្មអន្សារចំបក់រីកចម្រើន ចំនួន២៥នាក់ នៅភូមិខ្សាច់ល្អិត ឃុំអន្សាចំបក ស្រុកក្រគរ ដោយមានការចូលរួមពីប្រធានសហគមន៍ និងមន្រ្តីកសិកម្ម ឃុំ ។ខ្លឹមសារសំខាន់មានជារួម៖ ១.និយមន័យនៃពាក្យធាតុអាកាស អាកាសធាតុ និងមូលហេតុចំបងធ្វើអោយមានការប្រែប្រួល ២.ឧស្ម័នផ្ទះកញ្ចក់ ៣.មូលហេតុដែលមានរដូវប្រាំង និងរដូវវស្សា ៤. ផលប៉ះពាល់លើមនុស្ស សត្វ រុក្ខជាតិ ៥.បច្ចេកទេសបន្សាំ និងភាពធន់ក្នុងវិស័យកសិកម្ម ៦. ផ្តល់ឯកសារបច្ចេកទេសកសិកម្ម ចំនួន៣៥ក្បាល និង១៨សន្លឹក