ថ្ងៃសុក្រ ៨កើត ខែពិសាខ ឆ្នាំមមី អដ្ឋស័ក ព.ស. ២៥៦៩
ត្រូវនឹង ថ្ងៃទី២៤ ខែមេសា ឆ្នាំ២០២៦​ ក្រុមការងារទទួលបន្ទុកកម្មវិធី ASPIRE-AT សហកាជាមួយ លោក ប៊ិន ស៊ិនណារ៉ា គ្រូបង្គោលបច្ចេកទេសសត្វ បានរៀបចំវគ្គចែករំលែកចំណេះដឹង ពីកសិករនាំមុខ ទៅកសិករនិងគណៈកម្មាធិការសហគមន៍បឹងកន្ទួតរីកចម្រើន ស្ដីពីបទពិសោធន៍ជោគជ័យលើខ្សែច្រវាក់តម្លៃមាន់ស្រែដែលមានសមាជិកចូលរួមសរុបចំនួន៣៥នាក់ក្នុងស្រ្តី២៥នាក់ស្ថិតនៅភូមិ  ពោធិ៍អង្ក្រង ឃុំ បឹងកន្ទួត ស្រុក ក្រគរ ខេត្តពោធិ៍សាត់ មានសកម្មភាពនិងលទ្ធផលដូចខាងក្រោម៖
១. សកម្មភាព៖
–  បច្ចេកទេសនៃការចិញ្ចឹមមាន់ក្នុងស្ថានភាពជាក់ស្ដែងនិងដំណេះស្រាយ
–  ការរៀបចំទីតាំងចិញ្ចឹមមាន់ ការជ្រើសរើសពូជមាន់ តាមតម្រូវការទីផ្សារ  ការធ្វើអនាម័យ និងជីវសុវត្ថិភាព ការថែទាំកូនមាន់ ការធ្វើវ៉ាក់សាំង ការប្រើប្រាស់ប្រភេទវ៉ាក់សាំង ការផលិតចំណី និងការផ្តល់ចំណីមាន់ តាមអាយុរបស់មាន់  ការថែទាំ គ្រប់គ្រងមាន់ 
២. លទ្ធផល៖
–  អ្នកចូលរួមទទួលបានចំណេះដឹងនិងបទពិសោធន៍ជោគជ័យនៃការចិញ្ចឹមមាន់
–  អ្នកចូលរួមទទួលបានចំណេះដឹងផ្នែកការរៀបចំទីតាំងចិញ្ចឹមមាន់ ការជ្រើសរើសពូជមាន់ តាមតម្រូវការទីផ្សារ  ការធ្វើអនាម័យ និងជីវសុវត្ថិភាព ការថែទាំកូនមាន់ ការធ្វើវ៉ាក់សាំង ការប្រើប្រាស់ប្រភេទវ៉ាក់សាំង ការផលិតចំណី និងការផ្តល់ចំណីមាន់ តាមអាយុរបស់មាន់  ការថែទាំ គ្រប់គ្រងមាន់។