ថ្ងៃសុក្រ ១១រោច ខែអស្សុជ ឆ្នាំមមី អដ្ឋស័ក ព.ស. ២៥៧០
ត្រូវនឹង ថ្ងៃទី៦ ខែវិច្ឆិកា ឆ្នាំ២០២៦ ការិយាល័យបានចាត់អោយ លោកថា វ៉ាន់ថេន លោកស្មឿន ដារ៉ូ និងលោកស៊ឺន យឿម មន្ត្រីការិយាល័យផលិតកម្ម និងបសុព្យាបាល សហការជាមួយមន្រ្តីកសិកម្មឃុំ អាជ្ញាធរមូលដ្ឋាន ឃុំស្នាមព្រះ ស្រុកបាកាន ខេត្តពោធិ៍សាត់
ចុះអន្តរាគមន៍បាញ់ថ្នាំរំងាប់មេរោគកន្លែងចិញ្ចឹមមាន់ ទា ប្រជាពលរដ្ឋ នៅភូមិព្នៅ ឃុំស្នាមព្រះ ស្រុកបាកាន ខេត្តពោធិ៍សាត់ ក្រោយពីទទួលបានពត៌មានកាលពីថ្ងៃទី៥ ខែវិច្ចិកា ឆ្នាំ២០២៦។
ក្រុមការងារបានរកឃើញប្រជាពលរដ្ឋ៨គ្រួសារ មានមាន់ទាសរុប៦៥១ក្បាល(មាន់៤៣៣ក្បាល ទា១០៣ក្បាល) មកដល់ពេលនេះ មានមាន់ទាបានឈឺ ងាប់ ជាបន្តបន្ទាប់ចាប់ពីថ្ងៃទី២៥ ខែតុលា ឆ្នាំ២០២៦ ដែលមានដូចជាខាងក្រោម
-មាន់សរុប ៤៣៣ក្បាល
-ឈឺសរុប ៣៣៤ក្បាល
-ងាប់សរុប ៣០៧ក្បាល
-កំពុងឈឺ ២៧ក្បាល
-ទាសរុប ២១៨ក្បាល
-ឈឺសរុប ១០៣ក្បាល
-ងាប់សរុប ១០៣ក្បាល
-កំពុងឈឺ ៥ក្បាល
រោគសញ្ញា សំកុក ហៀរសំបោរ ហេីមមុខ រមួលក ធ្លាក់ពីលេីទ្រុង។
ស្ថានភាពចិញ្ចឹម ការចិញ្ចឹមលក្ខណៈធម្មជាតិខ្លះ និងគ្រួសារខ្លះចិញ្ចឹមពាក់កណ្ដាលព្រលែង មានទ្រុងក្បែរគ្នា និងមាន់ទា ដេីរស៊ីចំណីពាសវាលពាសកាល។
បានបាញ់ថ្នាំរំងាប់មេរោគតាមផ្ទះដែលមានមាន់ទាឈឺងាប់ និងបានយកសំណាក មាន់ទាំងមូលចំនួន២ក្បាល ដេីម្បីត្រៀមផ្ញើទៅមន្ទីរពិសោធន៍ ធ្វើរោគវិនិច្ឆ័យប្រភេទជំងឺ។
ក្រុមការងារបានណែនាំ វិធានការជីវសុវត្ថិភាព និងការទុកដាក់មាន់ងាប់ដោយដុតកប់ក្នុងដីឱ្យបានត្រឹមត្រូវ។ តាមដាន ថែទាំ ផ្តល់ទឹក ចំណីឱ្យបានគ្រប់គ្រាន់ បំបែកសត្វឈឺចេញពីសត្វជា ហាមអ្នកក្រៅចេញចូលក្នុងបរិវេណចិញ្ចឹមជាដេីម។
ផែនការបន្ត តាមដាន ឃ្លាំមើល ផ្តល់ប្រឹក្សា និងអោយកសិកម្មឃុំជួយរាយការណ៍ប្រសិនបេីមានករណីមាន់ទាឈឺងាប់បន្ថែម ឬភូមិផ្សេងទៀត
