ថ្ងៃពុធ៩កើត ខែកត្តិក ឆ្នាំមមី អដ្ឋស័ក ពស២៥៧០ ត្រូវនឹងថ្ងៃទី១៨ ខែវិច្ឆិកា ឆ្នាំ២០២៦
១/លោក ផាត់ សុភារិទ្ធិ លោកប៉េង ដួងតារា និង កញ្ញា ឡាយ ដាវីន មន្ត្រីការិយាល័យផលិតកម្ម និងបសុព្យាបាលខេត្ត បានចូលរួមវគ្គបណ្តុះបណ្តាលគ្រូបង្គោលស្តីពី«ការអនុវត្តផលិតកម្មល្អ(GMP) សម្រាប់សត្តឃាតដ្ឋាននៅកម្ពុជា»របស់គម្រោងCLHVCIP ដោយក្នុងនោះមាន ការិយាល័យផលិតកម្ម និងបសុព្យាបាល សរុប៩ខេត្ត៖ ខេត្តកំពត កំពង់ឆ្នាំង តាកែវ កំពង់ស្ពឺកំពង់ចាម សៀមរាប ឧត្តរមានជ័យ ព្រៃវែង និងខេត្តពោធិ៍សាត់ សរុប ៣៥នាក់ /ស្ត្រី ០៦នាក់។
កម្មវិធីមានរយៈពេល ៣ថ្ងៃ (ថ្ងៃទី១៧-១៩ ខែវិច្ឆិកា ឆ្នាំ ២០២៦) នៅ សណ្ឋាគារ កំពតស្វីតប៊ូទិក ខេត្តកំពត។
គោលបំណងកម្មវិធី៖
-បង្កើនការយល់ដឹងពីហានិភ័យសុវត្ថិភាពអាហារ និងគោលការណ៍ណែនាំស្តីពីGMP សម្រាប់អនុវត្តនៅសត្តឃាតដ្ឋាន ក្នុងការពង្រឹងអនាម័យ គុណភាព និងសុវត្ថិភាពលើសាច់និងផលិតផលសត្វសម្រាប់អ្នកបរិភោគ
-ពង្រឹងសមត្ថភាព និងជំនាញដល់សិក្ខាកាមក្នុងការប្រើប្រាស់បញ្ជីត្រួតពិនិត្យនិងវាយតម្លៃGMP សម្រាប់ការកត់ត្រាលទ្ធផលនៃការវាយតម្លៃ
២/លោកថា វ៉ាន់ថេន មន្ត្រីការិយាល័យផលិតកម្ម និងបសុព្យាបាល បានចូលរួមកិច្ចប្រជុំស្តីពីបណ្តាញអេពីដេមីសាស្រ្ត និងមន្ទីរពិសោធន៍សុខភាពសត្វ នៅកម្ពុជា រយៈពេល២ថ្ងៃ(ថ្ងៃទី១៨-១៩ ខែវិច្ឆិកា ឆ្នាំ២០២៦)នៅខេត្តកំពត។
ក្រោមអធិបតីភាពដ៏ខ្ពង់ខ្ពស់ លោកជំទាវ ហោ ម៉ាលីន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ
មានការអញ្ជើញចូលរួមពី
-ថ្នាក់ដឹកនាំ និងមន្ត្រី អគ្គនាយកដ្ឋានសុខភាពសត្វ និងផលិតកម្មសត្វ
-ថ្នាក់ដឹកនាំ មន្ត្រី ការិយាល័យផលិតកម្ម និងបសុព្យាបាលចំនួន២៣ខេត្ត ដែលបានចូលរួមវគ្គបណ្ដុះបណ្ដាលCAVET
-ក្រុមការងារ និងមន្ត្រីអង្គការFAO
-សរុប ១៤៥នាក់ ក្នុងនោះស្ត្រី ៣៣នាក់។